Третман на отпадна вода
Проектираме и имплементираме комплетни системи за пречистување на отпадни води, наменети за општински, индустриски и технолошки процеси. Нашите решенија се базирани на внимателна анализа на составот и количината на отпадната вода, со цел избор на соодветни технологии кои обезбедуваат ефикасно отстранување на загадувачите и заштита на животната средина.
Системите за третман се дизајнираат во согласност со важечките еколошки регулативи и стандарди, со фокус на сигурна работа, енергетска ефикасност и долгорочна одржливост. Пристапот овозможува стабилен процес на пречистување и безбедно испуштање или понатамошна употреба на третираната вода.
Нашите услуги опфаќаат:
проектирање
изведба
сервис и одржување
тестирање и пуштање во работа
обука на персонал
Физички третман
Физичкиот третман претставува прва фаза во процесот на пречистување на отпадна вода, со кој се отстрануваат крупни и фини механички нечистотии, суспендирани материи и талози. Овој третман ја намалува оптовареноста на понатамошните процеси и обезбедува стабилни услови за ефикасна работа на целиот систем за третман.
Хемиски третман
Хемискиот третман се применува за отстранување на растворени загадувачи, фосфати, тешки метали и органски материи преку додавање на соодветни хемиски реагенси. Со овој процес се овозможува коагулација, таложење или неутрализација на штетните супстанции, со што значително се подобрува квалитетот на отпадната вода и се исполнуваат условите за испуштање во животната средина.
Биолошки третман
Биолошкиот третман се заснова на природни биолошки процеси при кои микроорганизми ги разградуваат органските загадувачи во отпадната вода. Овој третман овозможува значително намалување на биолошката и хемиската потрошувачка на кислород (BOD и COD), како и стабилизација на водата пред финалното испуштање или повторна употреба.